MIÐNÁM, BÚMERKI
Búmerkið ímyndar tvær ternur á flogi. Terna er løtt á flogi, knøpp í vendingini og verjir um sítt. Hon ferðast langt, men kemur altíð heimaftur. Ternan er vøkur bæði á liti og í skapi. Tvær ternur saman finna eisini eitt lættari flog enn ein terna einsamøll. Ternan hevur tí nógvar av teimum eginleikum, sum Miðnám á Kambsdali og Klaksvíkar HF-skeið seta sum mál fyri næmingar og starvsfólk.

This image has an empty alt attribute; its file name is Midnam2b_uppsetingarhaettir.jpg

Linjur ganga ímillum ternurnar, sum binda tær saman til eitt samlað, harmoniskt merki. Formar og linjur eru gjølla hugsað, eisini við atliti til luft ímillum teir. T.d. gongur velið á fremru ternuni aftur í linjurnar í høgra vongi á aftaru ternuni. Soleiðis togar fremra ternan aftaru ternuna aftan á sær. Samlaði flogrætningurin er frameftir og uppeftir, og úttrykkið tí jaligt.




Nota Bene
Uppsetingarhættirnir av búmerkinum eru avgerandi og endaligir.
Ein eigur ongantíð at toyggja búmerkið á nakran hátt, men altíð at minka og vaksa tað proportionalt.

Sjúrður Højgaard, grafiskur sniðgevi, MHÍ 1997.